الرئيسية
أحدث الصور
التسجيل
دخول
حسسنـي انـك تبيني يـا معنينـي
وعيشني بأجمـل اللحظـات واسعدهـا
((قلي احبـك... لـو انـك مـا تدانيـني))
وش تخسر ان قلت كلمه منت قاصدهـا!!
يمكن ما تعنيـك لكـن صـدق ((تعنينـي))
كلماتك اتـذوب فـي قلبـي وارددهـا
وان قلـت احبك..طلبتـك لا تخليـنـي
لأنـك إذا قلتهـا..... بقولـك((عدهـا))
ياحلم ماهـو امتحقـق بـس يكفينـي
انـه بقـا حلـم وعيونـي يـراودهـا
((تدري شسوي..؟اذا مل السهـر عينـي!!!!
آجـمــع بذكرياتك...((وآآتـوسـدهـا))
تعال..وقـف هنـا مابينـي وبيـنـي
خذنـي مـن النـاس قربنـي وبعدهـا
رتـب احساباتـي وقلـب موازيـنـي
واشطـب قناعاتـي اللـي مـا تأيدهـا
بس اسمح لخنجرك تاصـل شرايينـي
اطعونـك اللـي مضـت ((لازم)) اتجددهـا
تعال خلهـا تطـوق جسمـك ايدينـي
ورجع لي الضحكه اللـي كنـت فااااقدهـا
وان كنت ((زعلان))..صـد ولا تحاكينـي
ان كانهـا غلطتـي وآآنـا امتعمدهـا
لك حق تزعل وسو اللـي تبـي فينـي
لكـن تأكـد بـأن ((مـا كنـت)) قاصدهـا
استسمحك عن خطاي وعن خطا اسنيني
وانا اوعدك.....والله اني مـا اتعودهـا
وســــــــــــلااامـــــــــــتــــــكـــــــــم
